Psa 129 | MNA | STEP | Mboe kizin wal ta tizalla pa Yerusalem “Indeeŋe ta nio naŋgaŋŋoŋ mi imar na, koŋ koi bizin timbel motoŋ seezeŋana.” O niom iwal biibi ki Israel, koso ta kembei:

Psalms 129

Mboe 129

Merere ikoto zin Israel kan koi bizin

Mboe kizin wal ta tizalla pa Yerusalem

1 “Indeeŋe ta nio naŋgaŋŋoŋ mi imar na, koŋ koi bizin timbel motoŋ seezeŋana.”
O niom iwal biibi ki Israel, koso ta kembei:
2 “Ŋonoono kat. Indeeŋe ta nio naŋgaŋŋoŋ mi imar na, koŋ koi bizin timbel motoŋ seezeŋana.
Tamen tirao be tilip pio na som.
3 Tiballis yo ma tau ndemeŋ mbelŋan men.”
4 Mi Yooba, ni ndeeŋeŋana.
Tana iuulu yo ma iyembut re ta wal sananŋan tipo yo pa na.

5 Wal boozomen ta tiurur koi pa kar Sion na,
Yooba ko ipimiili zin ma tila len raama kan miaŋ.
6 Pa zin tipiyooto koroŋ ambaiŋana sa som.
Tana zin kembei kini ambaiŋana ta tomtom tiŋgaama, mi tikam ma ila ruumu i, na som.
Zin ko tiwe kembei mbutmbuutu ta ise sorok, mi karau men mi imelle.
8 Mi sombe tomtom pakan tipa se keren uunu,
nako irao tipombol zin pa Merere zaana
mi tiso “Yooba ko ikampe yom” na som.
Mi niom na, amsuŋ Yooba be ikampe yom mi ipombol yom.